Arredores e actividades

Opcións para todos os gustos

para intrépid@s: na zona temos moitas actividades de turismo activo, como puenting, tirolina, barranquismo, kayak, rafting…, entra no apartado de reserva on-line e bótalle un ollo, recoméndovos a ruta de barranquismo pola fervenza de Santa Baia para iniciados, increíble!

A pé: paseos por camiños rodeados de prados e fragas, con muiños restaurados, a carón de regueiros e ríos, con pontes medievais, parques infantís

A cabalo: paseos para adultos e nenos desde 7 anos, non é preciso ser experto en hípica porque a parella que rexenta Estivada Ecuestre, a 200 metros de casa de Roque, son especialistas en facer una rota adaptada aos teus coñecementos e habilidades e sempre cun paseo polo monte e o río, sen quedarte no picadeiro aínda que sexa a primeira vez que montas..

Lugares segretos: Galicia está chea de recunchos que non aparecen nas guías, atrévete a descubrir sitios máxicos, onde a auga e as fragas adoitan ser as protagonistas.

Capela e Fervenza de Santa Leocadia: A menos de dez minutos en coche

Ponte Maceira, a 35 minutos de Casa de Roque, un muíño convertido en restaurante, unha terraza sobre o río.

Ponte Nafonso: A doce minutos abráite coa ponte medieval de 20 arcos de pedra que une os concellos de Noia e Outes, pasea polos xardíns do Pazo do Tambre, na mesmísima desembocadura do río Tambre.

A praia e o porto

A primeira praia desde a casa está a dez minutos en coche; ideal para ir con nenos, aparcas o coche a pé de praia, tes bares para xeados ou racións e tamén unha zona de monte para facer barbacoas, un pequeno parque infantil e un precioso paseo pola beira dun cantil, precioso aínda que non estea o día para bañarse na praia.

E despois da primeira praia non perdas unha en cada virada da costa, ata Fisterra a estrada discorre pegada ao mar, para que poidas gozas desta marabillosa paisaxe mentres viaxas.

Non esquezas parar na praia de Carnota, os seus máis de 7 km. fan dela a maior de Galicia, as súas numerosas entradas han te levar a unha praia diferente de cada vez; e se queres a parte tranquila, entra por Boca do Río e deléitate coas súas dunas e lagoas.

Desde a casa de Roque podes estar en Carnota en 35 minutos se tomas a estrada do interior, que che dará, ademais a oportunidade de contemplar unha das máis marabillosas paisaxes da costa galega, ideal para fotografar desde o miradoiro.

No mesmo concello de Outes encontrarás o precioso porto do Freixo, cunha importante produción marisqueira, comer ameixa ou berberecho recén extraído do mar é un luxo que poderás permitirte en calquera das encantadoras tabernas do porto, e a uns prezos inmellorables. Se o que queres é dar un paseo en barco ata as bateas de mexillón ou ver a descarga do peixe na lonxa do porto no atardecer, daquela achégate a Muros.

Por aldeas e vilas pintorescas:

A sete quilómetros de Outes encontrarás a vila medieval de Noia. Un paseo polas súas rúas con soportais ou unha visita ás súas prazas e igrexas transportaranvos a outras épocas, e ademais ten mercado xoves e domingos, é ideal para pasear e ir de compras. Imprescindible nesta vila medieval é visitar o edificio do concello, co seu claustro interior, no paseo da Alameda; a igrexa de San Francisco; a de Santa María a Nova, coa súa exposición de laudas gremiais única ; ou a excepcional igrexa de San Martiño, coa súa inesquecible praza do Tapal enfronte. Noia ten ademais moita fama por las riquísimas empanadas que se preparan nas súas numerosas tascas e bares, das que soen servir unha porción gratis coa consumición..

Muros: A vila mariñeira mellor conservada de Galicia, rúas estreitas, empedradas, mirando ao mar, porto pesqueiro, bateas de mexillóns, soportais que resgardan pequenos bares e restaurantes, igrexas colgadas da montaña, restos arqueolóxicos. Está a media hora da casa, polo interior, con impresionantes vistas sobre a vila desde o alto, ou a 40 minutos bordeando a costa pasando por todos as aldeas, vilas, praias e arnelas.

De turismo arqueolóxico e cultural

Galicia ten un rico e excepcional patrimonio arqueolóxico. Podemos desfrutar de coñecer como vivían os nosos antepasados celtas mercé aos innumerables castros, moitos deles escavados e visitables.

Cerca de casa de Roque encontrarás un dos castros máis coñecidos de Galicia polas súa impresionante ubicación; o Castro de Baroña, a media hora de casa de Roque, permitirá, ademais, que coñezas as salvaxes praias da costa de Noia a Ribeira; e tamén multitude de petróglifos en Porto do Son, arcas megalíticas na especial Serra do Barbanza; en Ribeira o Dolmen de Axeitos; todo na mesma zona do Castro de Baroña,

Outra ruta posible, será o dolmen de Dombate, que inclúe, ademais do orixinal, unha réplica visitable; en Cabana de Bergantiños. Desde este dolmen poderás aproveitar e achegarte ao castro de Borneiro, moi próximo de Dombate.

En Muros poderás mergullar nos enigmáticos gravados rupestres da Cova da Bruxa e A Laxe das Rodas.

Paraisos da Naturaleza

Toda Galicia é paisaxe, nós, os galegos adoitamos dicir moitas veces, diante do marabilloso espectáculo da nosa terra “Que pouco o valoramos e que bonito é”, porque mires para onde mires  inúndate o verde de prados e bosques e a auga reborda en cada fendiña, todo é ríos, mares e fervenzas. Determinados espazos son considerados de especial protección polo seu interese paisaxístico, natural ou cultural; dentro destes espazos da natureza, recomendámosche dous moi cerca de casa de Roque. Monte e lagoa de Louro, ao lado de Muros.

Monte Pindo, o monte sagrado recollido no himno galego, o Olimpo Sagrado dos celtas, e non é para menos, 627 metros de altitude coroadas polas zoomórficas rochas de A Moa, cunha visión impresionante sobre o esteiro de Ézaro, onde tamén poderás desfrutar coa única cascada de Europa que desemboca directamente no mar.

O parque natural das Dunas e lagoas de Corrubedo non se inclúe na rede Natura 2000, pero sen dúbida paga a pena visitalo, poucos quilómetros despois do Castro de Baroña localízase este complexo dunar que agocha dúas lagoas alimentadas por ríos e polo mar que golpea a súa preciosa praia

Cidades

Santiago de Compostela está situado a menos de media hora, gozar de visitar a cidade vella, os seus moitos bares de tapas e relaxarse nos seus moitos parques. Se queres fóra de pistas normais, póñase en consultalo antes de saír.

A Coruña, a só unha hora polo interior o Monte de San Pedro vólvese para a cidade tras un paseo e parando nos seus monumentos máis emblemáticos antes de pasear polas rúas deixando o impresionante Praza de María Pita.

Pontevedra, unha hora de Santiago por estrada, coidadosamente restaurada poderás descubrir unha cidade na que valen a pena visitar as moitas prazas, cunha animada vida nocturna nas súas terrazas.

E MOITO MÁIS. VEN E CONTÁMOSCHO!